Калектыў дзяржаўнай установы культуры «Ваўкавыскі раённы Цэнтр рамёстваў» прыняў актыўны удзел у абласным фестывалі-кірмашы працаўнікоў сяла «Дажынкі 2024», які прайшоў у г. Масты. Майстры Цэнтра рамёстваў прадэманстравалі майстар-клас па нематэрыяльнай культурнай каштоўнасці «Простае двухнітовае ткацтва Ваўкавыскага раёна», прадставілі выставу-продаж традыцыйнай сувенірнай прадукцыі керамікі і мастацкага роспісу, а таксама прэзентавалі традыцыйнае печыва Гродзенскай вобласці.
