22 сакавіка на базе дзяржаўнай установы “Лідскі раенны цэнтр культуры і народнай творчасці” адбылося адкрытае паседжанне аматарскага аб’яднання “Вытокі” аддзела рамёстваў і традыцыйнай культуры, прысвечанае Міжнароднаму Дню лялечніка ў межах першага этапу абласнога агляду конкурса аматарскіх аб’яднанняў “Свет захапленняў”, у якім прыняла ўдзел майстар народных мастацкіх рамёстваў “Ваўкавыскі Дом рамёстваў” Жана Здзіславаўна Абрамчук. Яна займаецца вывучэннем і вырабам традыцыйнай народнай лялькі, як беларускай, так і іншых краін свету.
З 2024 г. Жана Здзіславаўна з’яўляецца членам беларускага Саюза майстроў. На творчай сустрэчы гледачам прадставіла сваю аўтарскую калекцыю славянскіх лялек рознага прызначэння: абярэгавых, абрадавых і гульнёвых. Пад яе кіраўніцтвам прайшоў захапляльны майстар-клас па вырабе лялькі-абярэга ў вобразе Жанчыны-маці.
