Сёння ў Ваўкавыскім раённым Цэнтры рамёстваў (гп. Рось) адбылося адкрыццё свята «Зберажы рамяство разам з намі» у рамках Тыдня традыцыйнай культуры.
Для гасцей майстры падрыхтавалі:
- цікавую прэзентацыю старажытнага майстэрства – «простае двухнітовае» ткацтва Ваўкавышчыны;
- прэзентацыю «Веды і навыкі вырабу традыцыйнага вясельнага каравая на Ваўкавышчыне»;
- кніжную выстаўку «Зберагая культуру – зберагаем Беларусь».
Асаблівай цікавасцю карысталася пляцоўка рамесных ідэй, дзе кожны змог паспрабаваць сябе у ролі майстра:
✶ ткацтва,
✶ саломапляцення,
✶ лепкі гліняных свістулек,
✶ вырабу тэкстыльнай лялькі.
Яркім момантам стала дэфіле ў традыцыйных жаночых строях Ваўкавышчыны.
Завершылася свята масавым танцавальным майстар-класам ад спецыялістаў раённага цэнтра культуры. Энергія, смех і адчуванне адзінства – вось ідэальны фінал такога дня.
Народныя традыцыі жывуць, пакуль іх перадаюць новым пакаленням! Дзякуем усім, хто быў з намі!
