У Ваўкавыскім раёне працягваецца Тыдзень традыцыйнай культуры. Сення на філіяле Ваўкавыскага Дома рамёстваў арганізавана свята «Каравай: дар Божы і сімвал сям’і».
Для гасцей разгарнулі тэматычную пляцоўку «Ад зярнятка да каравая», якая прасочыла ўвесь шлях хлеба ад першага зерня да румянага боханца.
Цікавасць выклікаў майстар-клас па вырабу афармлення вясельнага каравая: знакамітыя шышкі і птушкі, які прадэманстравала Тамара Іванаўна Карнацэвіч. Менавіта яна з’яўляецца носьбітам нематэрыяльнай культурнай спадчыны «Веды і навыкі па вырабу традыцыйнага вясельнага каравая на Ваўкавышчыне». Яе рукі берагуць той самы сакральны рэцэпт, які перадаецца з пакалення ў пакаленне.
А таксама пазнаёміліся з пераемніцай элемента НКС Аксанай Урублеўскай.
Асаблівым момантам стала ўшанаванне захавальніцы старажытных ведаў. Напрыканцы свята калектыў Цэнтра рамёстваў уручыў Тамары Іванаўне каштоўны падарунак, які стаў годным акордам свята.
