У філіяле «Ваўкавыскі Дом рамёстваў» прайшло адкрытае пасяджанне этнаграфічнага клуба інвалідаў «Вандроўка», які наведваюць падапечныя дзённага аддзялення інвалідаў тэрытарыяльнага Цэнтра сацыяльнага абслугоўвання насельніцтва .
Увазе гасцей было прадстаўлена тэатралізаванае свята «Багач», дзе ўдзельнікі пастараліся паказаць народную традыцыю святкавання абрада. А потым усе весяліліся пад польку і падэспань, адгадвалі загадкі, забаўляліся гульнямі.
У заканчэнне свята Гаспадар засеяў поле жытам, а Гаспадыня пачаставала ўсіх гасцей караваем з новага ўраджаю.
А каб гэты дзень запомніўся надоўга, удзельнікі свята зляпілі з гліны памятныя медальёны з сімволікаю свята «Багач».